ريقه عمل الدونات

طريقه عمل الدونات









السلام عليكم
بصو يا فتوكات انا كنت بسجل حلقات الشيف حسن وعندي مجموعه بس مش بعرف احطهم
ازاي علي الموقع عموما انا هاكتب طريقه عمل الدونات انا جربتها طلعت جميله
جدا
المقادير : 1 ك دقيق - نص معلقه كبيره خميره - نص كوب سكر - 3/4 كوب
زبده - نص معلقه محسن خبز ( ممكن تشيليها ) - بشر ليمون -4 بيضات - كوب ونص
لبن- نص معلقه ملح
الطريقه : نحط الكيلو دقيق مع الخميره والسكر ( معلومه الخميره يفضل وضعها
مع السكر علشان يسرع عمل الخميره ) والمحسن والملح في الماكينه (ولو مش
عندك ماكينه ممكن بايدك تقلبي كل النواشف مع بعض ) ثم نضع البيض بيضه بيضه
ثم اسيبها شويه ثم الزبده قطعه قطعه ثم بشر الليمون وبعد كده ازود السرعه
علشان العجينه تتخدم كويس ويفتح لونها وماتلزقش في الماكينه نطلع العجينه
نريحها شويه (20 دقيقه) ثم افردها علي الدقيق بارتفاع 3 سم واكثر الدقيق
علشان ماتلزقش وبعدين اقطعها باي حاجه مدوره حسب الحجم اللي عايزاه يعني
ممكن اجيب كوبايه ميه اقطع بيها دوريه كبيره وحاجه تانيه مدوره صغيره اقطع
بيها الدائره الصغيره علشان يطلع لي شكل دائره بالعجينه وبعد كده احطها في
مكان دافئ لمده ساعه ولازم يكون العجينه بعيد شويه عن بعض علشان لما تخمر
هيتضاعف حجمها ولما تخمر وتلاقي حجمها تضاعف تسخني الزيت قوي لحد ماتحسي
انه بيغلي وانزل قطع الدونات علشان يعملها عمليه صدمه انزلها بسرعه الوش دا
واقبلها الوش التاني لحد ماتاخد اللون الذهبي الجميل الوشين اطلعها ولما
تبرد ممكن اشكلها احشيها مربي او احط علي وشها شيكولاته حسب الي انتي
عايزاه ويا رب اكون افدتكم ولو عايزني اكمل بقيه الوصفات انا مش عندي مانع
بس مش عندي صور ب انا جربت الحاجات دي وطلعت جميله وعندي طريقه الكرواسان
ابقي اكتبها المره اللي جايه