المعزة معزوزة وموهبتها المفقودة ..بالصور

مشرف عدد المساهمات : 260 تاريخ التسجيل : 19/06/2011

بسم الله الرحمن الرحيم ..

النهاردة جيت مع بنوتاتى نحكى لكم حكايه

يلا بينا ..:sFun_banana :

يلاااااااااااااااا

كان يا ما كان
يا سعد يا إكرام
وما يحلى الكلام
إلا بذكر النبى عليه الصلاة والسلام...

كان فى مرة عائلة من الماعز اسمها عائلة ماااااااااااع ..

كانت مكونة من المعزة معزوزة والجدى معزوز ..وباباهم ومامتهم وجدهم كمان (عم معزوز )

وكانوا عايشين فى قرية كبيرة أوى وقريبة من البحيرة .

وكانوا كل يوم يروحوا ياكلوا من العشب اللى جنب البحيرة ويلعبوا ويشربوا..

وفى يوم من الأيام شافت لافتة مكتوب عليها مسابقات للموهوبين ..

وقالت فى نفسها ،، ليه ما كنش واحدة من اللى هايفوز ..

جريت وراحت فتحت الكمبيوتر بتاعها ، وكانت متحمسه أوى

وقعدت تدور على اى مواقع تعلمها أى موهبة ..

قالت لنفسها ليه ما كنش مغنية ..
أيوة ..
ليه لاء ..أنا لازم أجرب أكون موهوبة ..

وبدأت تعمل الأصوات المزعجة بتاعتها فى البيت وتزعج ماما وبابا ومعزوز وجدو ..

مش بس كده ..دى راحت تغنى كمان فى القرية وتقول ((ماء ماء ماء ماااااااااااااااااء
أنا المعزة معزوزة .. أنا المعزة معزوزة ..ماء ماء ماء مااااااااااااء ))

وكل حيوانات القرية وكل قطيع الماعز كان منزعج جدا من صوتها الوحش ..

وحاولوا يفهموها إن كده وحش وغلط وإن هما تعبوا ومش عارفين يناموا ولا يعيشوا فى هدوؤ زى الأول..

زعلت المعزة معزوزة إن محدش قدر موهبتها ..ورجعت تدور فى المواقع على موهبة تخرج منها ..

وفكرت فكرة خطيرة ..

تفتكروا فكرت فى ايه يا حلويييييييين ؟؟؟؟؟؟؟؟؟

ايه ده ..دى فكرت فى فكرة غريبة أوى ..

دى عاوزة تطلع عارضة أزياء ...

معقولة .. ينفع كده يا أولاد ..

الله الله ..بصوا المعزة معزوزة بتعمل ايه ..

الله ..ايه ده ..دي بتعمل نيو لوك وبتلبس حاجات مش مناسبة خااااااااااااالص

ههههههههههههههههههههههه ... كل القرية قعدت تضحك على المعزة معزوزة ..

وهى زعلت أوى وقعدت تعيط .. ووقفت فوق كومة القش غضبانة وعاوزة تضرب كل الى ضحك عليها..

شافها جدها وقالها : مالك يا معزوزة ..

تابعووووووووووووووونى يا حلوين ...

*************************

» تورته جامده جدا بالصور
» بطاطس باللبن بالصور
» أدوات مطبخ بالصور.....
» تورته جامده جدا بالصور
» أخطاء بعض المصلين بالصور!